Espainiar politikariak antzezpenean murgildurik

Erabiltzailearen aurpegia

Udazkenean egin ziren Espainiako hauteskunde orokorrak. Geroztik negua joan da eta udaberria hasi. Eta egoera abenduaren 21ekoa da: inork ez daki zer gertatuko den.
Ehun egun baino gehiagoko antzezpena izan da orain artekoa. Eta itxura guztien arabera, espainiar politikariek horrela segituko dute datozen asteotan: antzezpena eginez.
Kontua da antzezlan batek erritmoa behar duela, interesa, tentsioa eta, noski, amaiera borobila.
Orain artekoan ez dugu aipatutakoen arrastorik ikusi. Eta amaiera ezagutzea besterik ez zaigu falta.
Baliteke horretan ere txarrena aukeratzea: hauteskundeak berriro, ekainaren amaieran.
Hala balitz, biztanleriak abstentzioaren bidez islatuko dute hilabeteotan pilaturiko haserrea. Horixe da PPren ametsa, boterean segitzeko beste aukerarik ez duelako.