Hogeita bost bat. Hogeita hiru emakume eta bi gizon.
Arratsaldean, liburutegi batera joan eta ikastaro bat amaiturik kalera zihoan talde batekin topo egin nuen. Hirurogei urtetik gorakoak ziren. Guztira, hogeita hamar bat. Denak emakumeak.
Erakunde, eliz eta antzekoetan, behartsuenen aldeko boluntario lanetan dabiltzan gehienak ere emakumeak dira.
Eta galdera da: non demontre sartzen dira erretirora heldu diren gizonezkoak. Garai batean, Iruñerriko obra guztien inguruan elkartzen ziren, borobilean, lanak kontrolatu eta kontu kontari aritzeko. Hori zuten goizeko zeregin nagusia.
Baina hori aspaldiko kontua da. Orain ez dago zuloak egiten hasteko dirurik, zuloa kontu publikoetan dagoelako. Eta afizio hori zutenek ez dakigu non arraio sartu diren…