Gaizki etorri Leitzan Nafarroako lehendakariari. Zer ulertuko genuen duela zenbait urte titular hori irakurrita? Deus ez da gehiago lehengo garaietan bezala. Maria Chivite gobernuburu sozialistari ETAk hildako guardia zibil baten alargunak egin zion gaizki-etorri. Leitzan. Hilketa gertatu zen tokian. “ETArrekin gobernatzen duzu” egotzi zion, bertzeak bertze, alargunak. Gezur biribila da, baina bat egiten du eskuinak Nafarroako Gobernua berriz galdu duenetik darabilen diskurtsoarekin. Ez nau pozten Maria Chivite orain ikusteak joan den legegintzaldian Uxue Barkos egon zen ataka berean. Gustatuko litzaidake, ordea, jakitea zer zebilkion buruan gure lehendakariari emakume minduak kargu hartzen zion bitartean. Damutuko ote zen abertzaleekin sostengatu izanaz, edo bere erabakia sendotzeko balioko zion trantze gaiztoak? Hobe horrela bada, hala baino. Zauriari materia dario oraino.
Zauria
2019ko ira. 25a, 12:39
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!