Mihi-gaiztoenek diote Convergencia Democratica de Catalunya ez zela inoiz independentista bilakatuko hogeita hamar urteko ustelkeriak inguratua ez baleuka. Alegia, urte hauetako diru lapurreta etengabeak utzitako kiratsa gozatu, gozotu eta urrindu nahian eman zuela Jordi Pujolen eta Artur Masen alderdiak Katalunia gaurko honetara ekarri duen itzulipurdi ideologiko-estrategikoa. Esquerrak irentsiko ote zuen beldur zegoela, alegia, eta horrexegatik atera zuela estelada balkoira. Auskalo egia den. Egia izatekotan, ez zen arrazoi bakarra izanen, ez beharbada arrazoi inportanteena. Egia dena da, hala ere, aste honetan Palau kasuaren sententziak agerian jarri duen bezala, Convergencia nagusi izan den garaian ustelkeria ere jaun eta jabe izan dela Katalunian. Espainian PPrekin bezala. Mihi-gaiztoa izan beharrean, mihi-gaizto-gaiztoa banintz, Estatu mailako ustelkeriaren mapari erreparatuko nioke. Izan ere, Valentzian eta Balear Uharteetan ez da hain desberdina izan. Ustelkerian bederen, bai, Països Catalans.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
