Bakarrak

Erabiltzailearen aurpegia

Zinez interesgarri jartzen ari dira heldu den abenduko hauteskundeak. Kongresurako ahal izan ez dena posible izanen da Senaturako. Nafarroan aldaketa bermatzen duten lau alderdiak –Geroa Bai, Bildu, Ahal Dugu eta Ezkerra- batera aurkeztuko dira goi-ganbera deitzen den horretara. Aldaketa delako horren osasuna egiaztatzeko aukera izanen dugu, zerrenda bateratu hori ez-aldaketaren zerrendarekin neurtuko delako, UPNren eta PPren zerrendarekin, alegia. Senatua, senatariei izan ezik inori inporta ez zaion erakunde zoldazua. Gu haren emaitzei begira egonen gara heldu den abenduan, jakin-minez eta itxaropentsu. Probintzia bakarra izanen gara estatu osoan.