Ez dut ikusten gure jai sakratuenak hasteko modu hoberik, Palestinako herriari omenaldia egitea baino.
Eta errealitate bihur daiteke, Yala Nafarroa plataforma aurtengo sanferminei hasiera emateko 5 finalistetako bat baita.
Yala, 2023ko azaroan jaio zen eta 220 kolektibok eta erakundek osatzen dute. Bere helburu nagusia herritarrengan amorrua eta haserrea bideratzea eta palestinar herriarekiko elkartasun bihurtzea da, genozidio hau amaitu eta nazioarteko zuzenbidea bete dadin.
Eta sanferminetarako mezua oso argia da: palestinar guztien alaitasunerako eskubidea aldarrikatzea. Eskubide hori hamarkadetan zehar lapurtu zaie, hau ez baitzen urriaren 7an hasi.
Ez da erraza izango udaletxeko balkoiak mundu osoari oihukatzea Iruñearen eta Palestinaren arteko senidetzea, baina gutako bakoitzaren esku dago hori gertatzea. Eta estilo erabat politikoan diot: boto bakoitzak balio du. Ez pentsatu. Mundu osoak jakin dezala Iruñean basakeriaren aurrean gaudela, Iruñean bizitza ospatzen dugula.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!