Sagrario Goñi, Caritasek Txantrean duen boluntario nekaezina da, eta ezinbestekoa da entzutea auzoko istorioak ezagutzeko.
Sagrariok dio pandemiak jende asko hurbildu duela Caritasera, ez dela ERTErik izan baizik eta kaleratzeak eta orain, lan egin arren, hilaren amaierara iristen ez diren pertsonak janari bila doazela.
Eta berak, argi dauka: pobreziak emakumearen, haurraren eta atzerritarraren aurpegia du.
Gehienak, pertsonak zaintzen edo etxeak garbitzen lan egiten zuten emakumeak, orain lanik gabe geratu direnak.
20.000 biztanlera iristen ez den auzo batean, Caritasek 1.064 pertsonari ematen die arreta. Sagrariok dioenez, emakume asko iristen ari dira Hondurastik, baina gure auzoa prostituziora behartutako emakumeen eta pateran iritsitako gizonen istorioz beterik dago.
Familia oso batzuk gela batean bizi dira 450 euroren truke, eta erroldatzea lortu nahi badute, 400 euro ordaindu behar dizkiote etxebizitzaren jabeari. Lanik ez duzunean, ordaindu ezin den zerbait, eta, aldi berean, laguntzak jasotzea eragozten dizuna.
Eta Sagrariok ohartarazi du: auzoko gose-ilarak egunetik egunera handitzen ari dira, eta haiek gainezka daude.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
