Gaur, inoiz baino indar handiagoz jotzen ari den indarkeria matxistari buruz hitz egin nahi nuen, baina baita emakumea izate hutsagatik erasotzen duen indarkeria horretaz gero eta kontzientziatuago dagoen gizarteari buruz ere.
Horretaz hitz egin nahi nuen, Fernado Baez, Tenerifeko parrokoaren adierazpenekin topo egin dudan arte.
Gizon honek, nolabait deitzearren, Anna eta Olivia neskatoen krimena justifikatu du sare sozialetan, eta horren errua amari egotzi dio, senarrari desleiala izateagatik.
Parroko jaunak dio ustezko hiltzailea beste biktima bat dela eta neskak bizirik egongo liratekeela amak ezkontza hautsi izan ez balu, eta lehen gizonak emakumeak jasaten zituela, erotu arren.
Fernandok Tenerifeko irrati batean ere egin zituen adierazpenak, hildako bi neskatoen amak erein zuena jasotzen ari zela esanez.
Arrazoi bakarra daukat gizon honi publizitatea egiteko. Esaten dituen astakeriak salatu, Elizari zuzenean kanporatzeko eskatu eta justiziari premiaz eta eredugarri jokatzeko eskatu.
Aski da.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
