Duguna 2008ko Urretxuko Euskal jaian
2008ko urr. 7a, 10:32
Aspaldian geunden zorretan Urretxuko Lurra taldekoekin. Izan ere Euskal Jaian parte hartzeko hainbat gonbite egin izan dizkigute 2006. urtean Ablitas-en elkarrekin dantzatu genuenetik, baina San Fermin txikiekin bat egiten zuenez egunak, ezinezkoa izan dugu, aurten arte.
Hartara, irailaren 21ean, arratsalde partean abiatu ginen Urretxurantz. Heldu, arropaz aldatu eta kalejira hasten zen tokirantz abiatu ginen. Hura sorpresa ia-ia San Fermin txiki bera bertan topatu genuen-eta. Izan ere, Iruñetik heldutako hainbat eta hainbat lagun topatu genituen bertan: Alde zaharreko erraldoien konpartsa, Muthiko Alaiak fanfarrea, Ezpelur gaiteroak... etxean bezala.
Nafarroako dantzak erakustea nahi zuten eta Jaurrietako neska-dantza eta Otsagabiko dantzak eraman genituen. Egin berri ditugun jantziak estreinatzeko ere balio izan zuen emanaldiak. Gure fanfarrearen eta Haizaldiko gaiteroen laguntzaz egin genuen ibilbidea, toki zehatz batzuetan dantzatuz.
Arratsalde pasa ederra izan zen!
Argazki guztiak hemen.
Hartara, irailaren 21ean, arratsalde partean abiatu ginen Urretxurantz. Heldu, arropaz aldatu eta kalejira hasten zen tokirantz abiatu ginen. Hura sorpresa ia-ia San Fermin txiki bera bertan topatu genuen-eta. Izan ere, Iruñetik heldutako hainbat eta hainbat lagun topatu genituen bertan: Alde zaharreko erraldoien konpartsa, Muthiko Alaiak fanfarrea, Ezpelur gaiteroak... etxean bezala.
Nafarroako dantzak erakustea nahi zuten eta Jaurrietako neska-dantza eta Otsagabiko dantzak eraman genituen. Egin berri ditugun jantziak estreinatzeko ere balio izan zuen emanaldiak. Gure fanfarrearen eta Haizaldiko gaiteroen laguntzaz egin genuen ibilbidea, toki zehatz batzuetan dantzatuz.
Arratsalde pasa ederra izan zen!
Argazki guztiak hemen.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!