Mila kolore dantzan bihotzetan...
Eta mila kolore dantzan liburu honetan, mila dantzari koloretan...
Etxeko txikienei, etorkizuneko festagile, festazale eta dantzariei zuzendutako liburua da hauxe. Margotzen liberti daitezen, margotzen ezagutu ditzaten gure festetako protagonistak, gure festetako protagonistak ezagutuz liberti daitezen.
Lesakatik Monteagudo-ra. Zangozatik Urdiainera. Nafarroako festagileak ekarri ditugu liburu honetara. Denak ez ziren kabitzen baina!
Juan Velez lagunak bota zigun behin: "ze polita litzatekeen haurrek koloreztatzeko liburu horietako bat eskura izatea, dantzari eta inauterietako pertsonaiekin". Eta konturatu ginen haurrek dantza eta folklorearen ingurukoak lantzeko material gutxi dugula gure herrian eta Juan-ek botatako erronkari erantzuna ematea erabaki genuen. Zenbait hilabete geroago hemen dugu "Koloreaga: Nafarroako festagileak" izeneko koloreztatzeko liburua.
Asisko Urmenetak maisuki egin dituen marrazkiak dira liburuaren funtsa. Nafarroako festetako 32 pertsonaia koloretan eta zuri-beltzean, haurrek kolorezta ditzaten.
Heldu den astetik (abenduaren 23an aurkeztuko dugu) aurrera izanen dira eskuragarri liburuak Iruñeko Karrikiri eta Abarzuza liburu-dendetan eta baita eskuineko zutabean agertzen diren posta helbide eta telefonoan ere, 10 euroko prezioan!
Jar margoak dantzan!
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
