1423. urteko irailaren 8an, Nafarroako Carlos III Noblea erregeak Iruñeko garaiko 3 burgoak (Nabarreria, San Zernin eta San Nikolas) hiri bakar batean biltzeko ituna sinatu zuen. Ordurarte 3 burgoen arteko liskarrak ohikoak izan ziren eta itunaren bitartez, besteak-beste, batzuen eta besteen arteko harresiak deuseztatu zituzten.
Kontua da, zenbait urtetako etenaldiaren ondotik (hau ere segizioa bitartean sortzen ziren liskarren ondorio), Batasunaren Pribilejioaren ospakizuna berreskuratu zuela Iruñeko Udalak duela 3 bat urte. Aurtengoa 591. urteurrena izan da, beraz. Eta guri ere tokatzen zaigu ospakizun horietan parte hartzea. Udaletxetik katedralera segizioan igo eta meza bitartean merendua hartzea izaten da gure lanik garrantzitsuena.
Behin indarrak hartuta, kontrako bidea egin (Katedraletik Udaletxera), eta han dantza batzuk eskaini genituen. Kasu honetan Cortes-eko "paloteado"ko baltsa, zinta-dantza bikoitza eta jota.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
