Bi bider atzeratu eta gero, jarri diote hasiera eguna 2007an Segurako polizia operazioan atxilotu zituzten ezker abertzaleko 35 kideren kontrako epaiketari: Naiz-ek aurreratu duenez, urriaren 13an hasiko da, eta abendura bitarte iraungo du 04/08 sumarioan auzipetutako lagunen kontrako epaiketak. Egun horren ingurumarian askatuko bide dituzte Miren Zabaleta, Sonia Jacinto eta Arkaitz Rodriguez,Bateregune auziagatik sei urteko kartzela zigorra jaso zutenak.
Zenbait akusatuk Haize Ziluaga abokatuari uko egin ziotelakoatzeratu zen azken aldiz epaiketa, joan den hilean. Hain zuzen, Ziluaga urtarrilaren 12an abokatuen kontrako operazioanatxilotu zuten. Orduan eten zen epaiketa lehen aldiz, hainbat akusaturen defentsa abokatuak atxilotu egin zituztelako epaiketa hasi baino ordu batzuk lehenago.
Hasier Arraiz Sortuko lehendakaria ere auzi berean auzipetuta dago, baina, legebiltzarkidea denez, EAEko Justizia Auzitegi Nagusiak epaituko du. Fiskalak sei urteko kartzela zigorra eskatu du haren kontra.
Argazkia: J. Danae / Argazki Press
