Astelehen iluntzean zauritu zen, Tafallan bertan, gaur goizean Iruñeko ospitalean zendu den gaztea. Tafallakoa zen, eta adingabea. Beste gazte batzuekin izaniko borrokan zauritu zen. Zenbait berri iturriren arabera, lurraren kontra hartutako kolpe handi batek zauritu zuen larri.
Gertaerekin zerikusia dutelakoan, 15 urteko mutil bat eta 16 urteko bat atxilotu ditu Nafarroako Foruzaingoak. Epailearen aurrean dira biak deklaratzen.
Tafallako instituto politeknikoak bertan behera utzi ditu eskolak, mutila bertako ikaslea baitzen. Iluntzean, udalbatza bilduko da Tafallan.
