Lagun bi mendi-tontorrean, batek ikurriña eskuan, besteak irudiak hartzeko makina. Motxilak, elurraren gainean. Sokak, pioletak... Berrogei urte joan dira, ia bostehun hilabete.
Martin Zabaleta eta Pasang Temba dira argazkikoak. Everesteko tontorrean daude. Gailur hori zapaldu duen lehen euskal espedizioa da. 1980. urtea da, eta maiatzak 14 ditu.
Euri asko egin du ordutik hona, baina, nostalgiko batzuk harro gaude oraindik ere. Balentria handia egin zuten espedizio hartan... kirol-arlokoa, politikoa.
Gaur, maiatzak 14, beste efemeride bat ere gogora dezakegu. Bi hilabete badira larrrialdi egoera delako hori ezarri zigutela. Luze joan dira egunak. Luze, gauak. Gure artean, bi mila lagunek ez dute egunsenti berririk ikusiko, ez Everestetik ezta etxeko balkoitik ere.
Portzelanazkoak gara gizakiok, portzelanazkoak: distiratsu eta hauskor.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
