Nafarroako Foruzaingoak jada ez ditu gomazko pilotak erabiliko

Erabiltzailearen aurpegia Argia 2017ko eka. 13a, 16:56

Foruzaingoaren jarduna eraberritu eta gomazko pilotak ez erabiltzeko erabakia bururaino eraman dute, Ertzaintzak eskainitako bi prestakuntza ikastaro jasoz eta material berria eskuratuz.

XALBA RAMIREZ @xalbaram

[Argian ikusi]

Lan-metodoa berritzeko helburuarekin Foruzaingoaren Esku Hartzeko Dibisioak bi prestakuntza-ikastarotan parte hartu du Ertzaintzako eta Polizia eta Larrialdietako Euskal Akademiako irakasleekin. Prozedura eta teknikak eguneratzeko prozesuaren amaiera da hau.

Lehendakaritzako, Funtzio Publikoko, Barneko eta Justiziako kontseilari Mª José Beaumontek iaz iragarri zuen erabakiari amaiera eman zaio orain, gomazko pilotak behin betiko ordezkatuz, “hain kaltegarriak ez diren istiluen aurkako beste material batzuk erabiltzeko”. Lauko gobernuaren akordio programatikoaren muinean zegoen erabakia.

Foruzaingoaren Esku Hartzeko Dibisioaren jarduteko irizpidea berritzeaz gain, material berria eta bi furgoneta ere erosi ditu 93.310 euro gastatuz horretarako.

Gizartea Nafarroa

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!
Tokikom logotipoa
Gertuko informazioa, euskaraz
Tokikom publizitatea