Aitortzen dut: ez dut ulertzen hainbat eragile eta personak Nafarroako aldaketa instituzionalaren aurrean duten jarrera. Kritikak egiteko arrazoiak ez dira falta, jakina. Neri, adibidez, sobera ahulak iruditzen zaizkit Nafarroako Gobernuaren jarduera aunitz. Zer esanik ez Aroztegiaz, edo beste hainbat mailatan atzematen diren hutsune eta akatsei buruz, horietariko batzuk hagitz larriak direlarik. Baina kritika hauek aintzat hartuta ere, aldaketa nondik etorri den eta zenbat kostatu zaigun lortzea ezin dut alde batera utzi. Eta iruditzen zait batzuek sobera goiz ahantzi dutela hori dena. Agian ez dutelako borroka ibilbide luze hori barnetik ezagutu, ez dakit, edo politika dena ala deusez terminoetan pentsatzen dutelako.
Kontua da, laburki esateko, begirada motzak atzematen ditudala batzuengan, beharbada erradikalismo formaletan erosoago daudelako, eskuak aldaketa errealaz zikintzen baino. Agian, Mario Zubiagak dioenez, interpelazio jarreran daudelako, beste guziei zer egin behar duten esanaz. Ez dakit, baina kezkagarria delakoan nago.
