Nazioarteko elkartasun esparruan ibilitako hainbat euskal militante epaituko du espainiar Entzutegi Nazionalak hurrengo asteetan. Oraingoan ere, jarduera politikoa terrorismotzat jo nahi dute, ideia politikoak kartzela zigorraz erasotzeko.
Dena ETA da estrategiaren bultzatzaile sutsuenetako bat, Baltasar Garzon, Otegi kartzelan segitzea kritikatzen dabil egunotan. Espainiar ezkerraren beste konfluentzia batean parte hartu nahi duelako izanen da, batek daki, baina eskuak garbitu nahi dituen bitartean berak piztutako suak erretzen jarraitzen du.
Noiz arte? Noiz hilen dugu su hori? Ez dakit baina heldu den urriaren 12an hitzordua deitu da Iruñean eta denok izanen dugu -ordu batzuetan sikiera- suhiltzaile izateko aukera.
