Urte mordoa daramagu nabaritzen Espainian politikariek adostasunetara iristeko benetako zailtasunak dituztela. Hala ere, ulertezina da azken asteetan bizitzen ari garen egoerarekin jarrera berdinarekin jarraitzea. Zalantzarik gabe, adibiderik harrigarriena Madrilgoa izan daiteke, non administrazio eta alderdi desberdinen arteko joko politikoak, azkenean, alarma-egoera baten ezarpena eragin du. Printzipioz, guztiok ados egon beharko ginateke esaten dugunean horrelako tresna konstituzional bat erabiltzea bi partaideen arteko akordiorik gabe erabateko galera dela estatu baten kalitate demokratikorako; baina onartu beharra dago ez zegoela ia beste aukerarik.
Garai oso zailak dira guztiontzako eta, hori dela-eta, argi izan behar dugu ez dela gerra alderdikoia egiteko unea; izan ere kasu honetan fronte berdinean borrokatzen gaude, gure kolore ideologikoa edozein izanda ere. Komunitate zientifikoari kasu egin behar zaio eta agintariek ez dute beldurrik izan behar neurri zorrotzak hartzeari. Gaur egun inoiz baino beharrezkoagoa da administrazioetan adostasun bat. Zentzu horretan, politikariek erronka handia dute, esfortzu ikaragarria eskatuko duena, baina benetan pena merezi duena.