ETAk gaur arratsaldean iragarri behar omen du bere egiturak desegin egin dituela eta beraz, desagertu dela.
Lehen sintoma: notizia notizia da notizia gertatu baino lehen.
Bigarren sintoma: notiziak azalak monopolizatu ditu; batzuk, Diario de Noticiasekoa, kasurako, argazkirik gabe uzteraino.
Hirugarren sintoma: Espainiako barne ministroak esan du gaur gero desagertu den eta kiderik ez duen erakunde bateko kideak jazartzen eta atxilotzen saiatzen segituko duela.
Laugarren sintoma: Euskal Autonomia Erkidegoko lehendakaria eta Nafarroako Foru Erkidegoko lehendakaria aztertzen ari dira gaur arratsaldean desagertuko den erakundeari, hau da inori ez, elkarrekin erantzutea.
Bosgarren sintoma: Garako azaleko argazki nagusiak eta bere gaiak, Eneko Compainsek salatu dituen torturak, Garan baino ez dute azala betetzen (Berriaren karneta tamainako argazkia alde batera utzita).
Ibili-ibilian, azkenean egia izango da ETAren arazoa sintoma dela, eta ez gaixotasuna, dioen esaera zaharra.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
