Elena Berazadiren ama arduratu zen Valentin Larrearen partiturak gordetzeaz. Errenteriako Eresbil artxibora eraman zituen, eta kopia bat etxean gorde zuen. Ama hil zenean, Elena Berazadik gorde zuen partituraz betetako kutxa, baina inoiz ez zion haren lanari behar adinako garrantzirik eman.
Kutxan zeuden partiturak pianista bati eman zizkioten, eta familia osoarentzako kontzertu bat antolatu zuten etxeko ganbaran. Hortik sortu zen Iruñean kontzertu bat egiteko ideia. 2019an, Iruñeko San Lorenzo elizan, Valentin Larreak sortutako azken piezak jendaurrean entzun ziren lehen aldiz.
Familia osoaren inplikazioari esker, Valentin Larrea Iturbe musikariaren obrak berreskuratu dituzte. Horrez gain, haren bizitza eta ibilbidea jasotzen dituen liburu biografiko bat argitaratu dute, eta musikariaren ondarea berreskuratzeko prozesuaren nondik norakoak bildu dituzte dokumental batean.
Berreskuratze-prozesu hori guztia nola gauzatu duten azalduko dute LABAn, datorren azaroaren 4an eta 13an. Horrez gain, Valentin Larrearen jaiotzaren 150. urteurrena ospatzeko, haren musika entzuteko aukera izango da Baluarten, azaroaren 13an, 19:30ean, eskainiko den kontzertuan.