Nafarroako Gobernua larrialdi bileran bilduta dago eguerditik egoerari aurre egiteko nahiz eta momentuz ez den aparteko ezbeharrik izan. 112 telefono zenbakian ehunka dei ari dira jasotzen eta horregatik eskatu dute soilik larrialdietarako erabili dadila. Suhiltzaileak igogailuetan harrapatuta geratu diren bizilagunak ateratzeko lanean dabiltza, egoera larrienei lehentasuna emanez. Iruñeko udaltzainak aritu dira bidegurutze nagusienetan trafikoa zuzentzen baina 15:40ak aldera hasi da semaforoetan ere normaltasuna itzultzen.
Ospitaletan, elektrizitate generadore autonomoei esker ari dira normaltasunez lan egiten nahiz eta ebakuntza batzuk bertan behera geratu behar izan diren.
Espainiako elektrizitate sarearen zuzendaritzaren arabera sei eta hamar ordu beharko dira, argindarra bere osotasunean itzuli dadin.
