14 hilabete dira Iruñerriko hiri garraio publikoko langileak borrokan direla lan hitzarmena lortzeko. Azken hilabeteetan lanuzteak egin dituzte astero, goizean goizeko ordu nagusienekin kointzidituz. Gaur ere horrela egin dute eta manifestazioan joan dira Mankomunitateko egoitzaraino. “Mankomunitatea da azken finean gure egoeraren azken erantzulea” azaldu du enpresa batzordeko presidenteak, “Bera da kontratazio baldintzetan, TCCri gure lan zama, ordutegiak…ezarri al dizkiona, beraz ez du balio auzi honetan albo batera egitea”. Langileak borrokan dira beren soldatak duinduko dituen lan hitzarmenagatik baina baita haien lan baldintzak hobetuko dituen akordioarengatik ere. “Ez dugu ezta komunera joateko denborarik ere” azaldu du Euskalerria Irratiko mikrofonoan gidari batek, “Beharra duzunean, autobusa gelditu, bidaiariei pazientzia eskatu eta tabernaren batetara sartu behar gara, ostalariei ere baimena eskatuta”.
Gauzak horrela, enpresa batzordeak ez du baztertzen protestak zabaldu eta gogortuko dituenik. “Lehendabiziko aldiz batuta gaude langileak” azaldu du komiteko presidenteak, “Espero dugu TCCk eta Mankomunitateak egoera desblokeatuko duten, ez dugulako Sanferminetan billabesak gelditzera iritsi nahi”.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!