Valentziako Massanassa herriko hainbat erakundek antolatu dute DANAk kaltetutako adingabeen aldeko ekimen solidarioa. Beriaingo Udal Elkarteen plataformak bat egitea erabaki du eta Olentzeroren kalejira eramanen dute bertara. Abenduaren 21ean, larunbata, hamabi urtetik beherako haurren artean jostailuak banatuko dituzte.
Jostailu bilketa egin dute azken asteburuotan eta Gabonen atarian eramango dituzte Balentziara. Olentzero eta Mari Domingiren kalejira goizeko 11:00etan abiatuko da Kale Nagusiko 15. zenbakian. Eta bidelagun izanen dituzte joaldunak, baserritarrak, gaitariak, dantzariak, momotxorroak, beste hainbat mitologia pertsonaia, txistulariak eta dantzariak.
Cesar Oroz marrazkilariak Olentzeroren ibilbidea biltzen duen kartela diseinatu du ekimenaren berri emateko. Olentzero eta Mari Domingi, dantzariak, musikariak eta euskal kulturako hainbat elementu, pertsonaia mitologikoak irudikatu ditu.
