“BSHko deslokalizazio planifikatu bat izan da” azaldu du Euskalerria Irratian LAB sindikatuko Asier Calderonek, “Urtetan erabaki da produkzioa beste herrialde batzuetara eramatea, ekoizpena txikia bertan geratuta eta orain erabaki dute ixtea”.
Atzo jaso zuten albiste gogorra lantokian. Langile batzarra egin zuten itxieraren berri emateko. “Orain lehentasuna, langileen lana eta etorkizuna izanen da” adierazi du LABeko industria arduradunak, “Ikustea ze aukerak badiren itxiera gelditzeko eta bestela, birkokapenak aztertu langileen etorkizuna bermatzeko”. BSHko itxierak uste baino eragin handiago izanen du zonaldean. “660 langile baino gehiago geratu daitezke kalean, ezin baititugu ahazten ahal, inguruetako enpresa laguntzaileak, hornitzaileak” azaldu du Calderonek, “Urtetako BSHren ERTEek eragina izan dute haiengan eta orain itxierarekin ere kinka larrian geratuko dira”.
