Termino sinpleetan planteatua, baina herritarren beharrei erantzunen dien proposamena jartzen du mahai gainean EH Bilduk aurrekontuetan. Horixe nabarmendu du gaur Arnaldo Otegi EH Bilduren koordinatzaile nagusiak Iruñean Mahai politikoaren batzarraren ostean: "Diru publikoarekin zer egin eta non inbertitu, horixe da landu eta erabaki duguna. Sinpleki, baina sakonki".
Erdigunera eraman du eztabaida hori EH Bilduk, alegia, herritarrei kezkagarri zaizkien gaiena: "Etxebizitzarena, langileen baldintzena, aldaketa ekosozialarena, zaintzarena eta osasunarena, besteak beste". Agenda politikoan herritarren interesak jarri dituztela gaineratu du Otegik: "Hori guztia ez dugu bakarrik Euskal Herrian egin, Espainian ere EH Bilduri komeni zaio egungo Gobernuak segi dezan, akordioetara iristeko aukerak direlako herritarrak garaile eginen dituena".
