Antolin enpresak Orkoiengo lantokia ixtea erabaki du eta bere 108 langileak langabeziara joanen dira. Antolin enpresak 20 urte egin ditu Volkswagenendako osagaiak ekoizten baina auto elektrikoendako modelo berrietan, Alemaniako zuzendaritzak erabaki du ez duela enpresa txiki honekin kontatuko. Antolingo kudeatzaileak saiatu dira bestelako proiektuetan sartzen, eskari berriak bilatzen, baina ez dute lortu eta dagoeneko irailean hasi ziren enplegu erregulazio expedientea martxan jartzeko urratsak egiten. 2025aren hasieran itxiko da Orkoiengo lantokia.
Antolinen 108 pertsonak lan egiten dute, horietatik %60a emakumeak dira. Adosturiko neurrien arabera, langile bakoitzak 45 eguneko indemnizazioa jasoko du lan egindako urte bakoitzeko.
