Manifestazioa egin dute gaur Iruñean pentsionistek. Bizitza duinak izateko "asko dagoela egiteko" adierazi dute. "Zahar etxe gehienak pribatuak dira, etxean bizi ahal izateko baliabideak falta dira eta osasun arretarekin kezkatuta gaude, esan du Mari Carmen Zeberio Sasoiako kideak. Parlamentariei helarazi dizkiete euren kexa eta beharrak eta kalera atera dira euren beharrak ez daitezen ezkutuan geratu.
Zaharren Nazioarteko Eguna da urriaren 1a. Ospatzeko baino "aldarrikatzeko" data dela nabarmendu dute pentsionistek gaur. Nafarroako Gobernuaren egoitzaren parean hasi dute protesta eta parlamentuaren atean amaitu dute.
