Atarrabiak pilotalekutik Euskal Herriko ikurrak kendu ditu, Nafarroako Justizia Auzitegi Nagusiaren epaiaren ondorioz

Nerea Garcia Valencia 2024ko abu. 8a, 13:01
Deskargatu Info Ahotsak :

Atarrabiako Udalak Araba, Bizkaia, Gipuzkoa, Lapurdi eta Zuberoako armarriak kendu ditu Euskal Herriko armarri nagusitik, Nafarroako Auzitegi Nagusiak aurtengo martxoan emandako epai bati men eginez.

Ikur horiek Euskal Herriko armarriaren parte ziren, orain dela gutxi arte Atarrabiako frontoia apaintzen zuena. Epailearen erabakiaren ondoren, Udalak Nafarroako armarria bakarrik mantentzea erabaki du, lehen gainerako lurraldeek hartzen zituzten espazioak hutsik utziz.
Atarrabiako alkate Mikel Oteizak, adierazi duenez, hainbat aukera aintzat hartu ondoren, jatorrizko armarriaren zati bat mantentzea erabaki da, ezabatutako lurraldeen falta nabaritzeko helburuarekin. Gainera, armarria inguratzen zuen inskripzioa, lehen "Euskal Herria" esaten zuena, aldatu eta "euskal pilota" jarri da. 
Euskal Herriko Justizia Auzitegi Nagusiaren epaia UPN alderdiaren salaketa baten ondoren eman zen, Euskal Herriko armarria jartzeak botere publikoei eskatutako neutraltasun politikoa urratzen zuela esanez. Gainera, frontoiko Euskal Herriaren armarria abertzaletasunak Nafarroako errealitate instituzionalarekiko zuen mespretxuaren erakusgarri zela agurdiatu zuen alderdiak. Atarrabiako Alkateak aldiz, armarria erakunde kulturala zela azaldu zuen eta euskal pilotak eskualdean duen garrantzi kulturala nabarmentzea zen helburua. 
Gizartea

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!
Tokikom logotipoa
Gertuko informazioa, euskaraz
Tokikom publizitatea