Irakurzaletasuna sustatzeko eta irakurlearengana hurbiltzeko baliatuko dute gaur ateak zabaldu dituen laugarren Nafarroako Liburu azoka hogei liburu dendak: "Liburu denda erraldoia izan nahi dugu", esan du Nerea Reta Nafarroako Liburu denden Elkarteko kideak.
Iruñeko hamabi liburudenda, tartean, Elkar, Txalaparta, Txundarata, Katakrak eta Karrikiri. Tuterako, Elizondoko eta Eguesibarko bana, Editargi argitaletxe independientea eta Nafarroako Gobernuaren publikazioetako postua daude. Guztien artean 50 ekitaldi baino gehiago prestatu dituzte: mahai inguruak, idazleekin hitzaldiak, ipuin-kontalariak edota Euskarria Irrati honekin zuzeneko saio bat asteazken goizean.
10:30etan zabaltzen ditu ateak Gazteluko plazako liburu azokak; 14:00 arte goizez, eta arratsaldez 17:00etatik 21:00ak arte. Ekainaren 9ra arte izanen da zabalik.
