Peñen Federazioko presidente Rakel Arjolekin batzartu da Iruñea Antitaurina kolektiboko ordezkaritza bat. Sanferminetan zezenen erabilerari buruzko elkarrizketa izan dute bi aldeek eta gaiaren inguruko "hausnarketa eta eztabaida" kalera ateratzea garrantzitsua iruditzen zaio Iruñea Antitaurinari. Bide horretan, garrantzia handia izanen du Peñen Federazioak jokatuko duen rola: "Jaien protagonista eta eragile nagusietakoak diren aldetik eurek ere hausnartu eta gertatu beharko den aldaketaren gidari" izan behar dutela iruditzen zaio kolektibo horri. Hori dela eta, eskatu diete izan daitezela trantsizio horren laguntzaile, partaide eta erraztu dezatela aldaketa. "XXI.mendean onartezina da animalien tratu txarrekin festa eremua betetzea", salatu dute.
Zezenketarik gabeko sanferminak posible izan daitezen "laguntza" eskatu die Iruñea Antitaurinak Peñen Federazioari
"Zezenketarik gabeko sanferminetarako trantsizioa errazteko" eskatu die Iruñea Antitaurina kolektiboak Peñen Federazioari. "Festa giroan zezenen presentzia egon behar den edo ez aztertzeko" garaia iritsi dela uste du kolektibo horrek eta ezinbestekoa dela peñen inplikazioa "jaieetan eragile esanguratsua" diren aldetik. Peñetan hausnarketa egin dezatela iradoki diete eta izan daitezela "ezinbestekoa den aldaketaren gidari".
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
