"Bestelako baloreak helaraziko dizkigun hezkuntza behar dugu", aldarrikatu du Haizea Abasolo Ikasleria Martxan erakundeko kideak. Ikasleen baldintzak ez direla duinak salatu eta dituzten arazoei irtenbidea emateko eskatu dute. Greba eguna dute gaur ikastetxeetan eta protestak ere egin dituzte. "Gazteon osasun mentala hobeki zainduko duen hezkuntza eredua merezi dugu, garraiatuak diren ikasleek zerbitzu duina nahi dute eta sistema zis-heteropatriarkal kapitalista kolonialak ezartzen dituen baloreak alboratzea nahi dugu", azaldu du. Manifestazioa egin dute Iruñeko Nabarreria plazatik hezkuntza departamentuaren egoitzaraino.
'Ikas baldintzak jokoan' goiburuarekin manifestazioa egin du Ikasleria Martxan erakundeak
Ikasleria martxan gazte antolakundea kalera atera da. Ikasleen beharrak ase gabe daudela eta jokoan asko dutela aldarrikatzeko manifestazioa egin dute Iruñean. Nabarreria plazatik aterata Hezkuntza Departamenturainoko bidea egin dute. Osasun mentala gertuagotik zaintzeko aukera edota garraio zerbitzu duinak eskatzen ari dira. "Ikasle baldintzak jokoan ditugu. Ez dira duinak. Euskarazko hezkuntza mugatua dugu espainiar eta frantziar estatuen menpe bizi garelako", esan du Haizea Abasolo Ikasleria Martxan erakundeko kideak.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
