Zainta guztion ardura dela argi du Ana Sarobe pentsionistak. "Emkumearen ardura izan da urteotan zaintzarena. Jaiotzetik dugun dohain bat bagenu bezala. Baina ez da egia", azaldu du Euskalerria Irratian egindako elkarrizketan. Gizonek ere zaintza euren erantzukizuna dela aitzat hartzeko unea dela iritzi du. "Gure lana etxean eta zaintzan izan da urte askoan eta horrek eragin du pentsioetan arrakala izatea", izan ere emakumeen pentsioa gizonean baino %26 txikiagoa da Nafarroan.
Azaroaren 30ean greba femeinista dago deitua eta zaintza erdigunean jartzeko baliatuko dute. Sarobek argi du: "Adinduoi aukera eman behar zaigu erabakitzeko non bizi nahi dugun". Izan ere, ez du konpartitzen gaur egungo zahar erresidentzien eredua. Bestelako aukerak badaudela uste du eta horiei bide eman behar zaiela eskatzen ari da. "Gobernuak lan egin behar du beste alternatibak eskaintzeko", adierazi du. "Etxebizitza kooperatibak daude adibidez, edo norberaren etxean beharezkoak diren zaintzak jasotzeko aukerak ere hor egon beharko luke", dio.
Entzun elkarrizketa osorik argazkian klik eginda.
