Siemens Gamesak 1.800 langile ditu Nafarroan. Euren lanpostuak "kinka larrian" ikusten dituzte eta azken asteetan horren berri ematen ari dira. Protestetan eta agerraldietan ikusi ditugu "kezkatuta". Bihar Nafarroako Parlamentuko batzordean ariko dira hizketan. Euren egoeraren berri emanen diete alderdiei eta euren eskaerak eramanen dituzte. "Enpresak ez digu esaten nondik nora joko duen azaro buakaeran aurkeztu duen planean eta lanpostuak kolokan egon daitekezkeela uste dugu", esan dute Siemens Gamesako langileek. Lurreko aerosorgailuak sortzen dituzte batez ere Nafarroan eta enpresak atal horri uko egiteko aukera badela uste dute. Horrez gain, kezka are gehiago handitzen zaie Txinarekin ezin lehiatuz dabiltzalako: "Kontrol handiagoa behar da Txinarekin gerta ez dadin mikrotxipekin, bateriekin edota bestelalo industriekin gertatutako", esan dute.
Sektore eolikoaren kezkak eramanen dituzte bihar parlamentura
Siemens Gamesa enpresako langile batzordea joanen da bihar parlamentura euren kezkak plazaratu eta alderdiei eskatzera euren esku dagoen guztia egin dezatela. Kinka larrian daude euren lanpostuak diotenez eta irtenbide bila ari dira. Besteak beste, sektoreak dituen egiturazko arazoei aurre egiteko kontrola eta Txinari aurre egiteko mugak jartzea eskatuko dituzte.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
