Xabier Mtz. de Lezea IKA-ko irakasleak argitu moduan, kirol jardueren ikastaroek helburu bikoitza izanen dute: bata, kirolaren munduan murgiltzea, hainbat kirol mota eta beren modalitateak ezagutuz; eta bestea, euskara praktikatzea. “Ez da inolako aurretiko esperientziarik behar, jarduera horietan guztietan irakasle aditu batek lagunduko baitzaitu”, argitu du. Kirol desberdinen artean aukeratu daiteke: kayak, mendi igoera, eskalada, esku pilota…
Gitarra klaseei dagokienez, helburua gitarra jotzeko oinarrizko ezagutza lortzea izango da: tresna ezagutu, nota garrantzitsuenak eta akordeak jotzen ikasi, eta kantu ezagunak gitarraz laguntzeko gaitasuna lortu.
Bestalde, ohiko eskaintzarekin jarraituko da: EGA/C1 eta C2 azterketak prestatzeko ikastaroak baita gaierako euskalduntze mailak ere.