Lekarozko Kortaria-Infernuko Gasnak irabazi du laugarren aldiz Artzai Eguneko gazta lehiaketa

Euskalerria Irratia 2023ko abu. 28a, 12:34
Deskargatu Info Ahotsak :

Gorraizko Gaztelua Golf & Spa hotelak erosi zuen gazta erdia 4.750 euro ordainduta. Uharte Arakilen ospatutako Artzai Egunaren 55. edizioan Antomio Alustiza Aresoarra izan zen irabazlea Ttiki zakurrarekin.  Argazkian: Julen Arburua, Kortariakoa. 

Igande arratsaldean Nafarroako Artzain Zakur Txapelketaren 55. edizioa jokatu zuten Uharte Arakilen. Txapela Antonio Alustiza aresoarrarentzat izan zen; Ttiki zakurrarekin lehenbiziko postua lortu zuen eta Bat zakurrarekin hirugarrena. 

Uharte Arakilgo Gainberako belaian jokatutako txapelketan Alustizak bere 21. txapela jantzi zuen. Ttiki zakurra izan zuen ondoan, eta honekin hirugarren aldiz irabazi du Nafarroako txapela. 

Honela gelditu zen sailkapena:

  1. Antonio Alustiza Ttiki zakurrarekin.
  2. Jexux Razkin Mendi zakurrarekin.
  3. Antonio Alustiza Bat zakurrarekin..
  4. Jorge Oteiza Lagun zakurrarekin.
  5. Aritz Ganboa Txistu zakurrarekin.
  6. Javier Fernandez Txikito zakurrarekin.

Lehenbiziko bi sailkatuek irailean Bizkaiko Axpe herrian jokatuko den Euskal Herriko Artzain Zakur Txapelketan Nafarroa ordezkatuko dute. 

Gizartea

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!
Tokikom logotipoa
Gertuko informazioa, euskaraz
Tokikom publizitatea