Nafarroako Suhiltzaileek itzalitzat ematen dute bart gauetik Ezkaba mendiko ezker hegia kiskaltzen ari zen sutea. Sutearen aurkako koordinazio zentroa Iruñerriko Mankomunitatearen autobus parkinean paratu dute. Atzo gauerdian sutea kontrolatutzat eman zuten. Gaur goizean itzalitzat eman dute, Euskadi Irratiak jakinarazi duenez.
Atzo arratsaldean sutea Txantrea eta Antsoain arteko zuhaizti batean piztu zelarik, Iruñeko Ipar Ingurabidea (AP 30) eta Ezkabako tunelak itxi behar izan zituzten. Goizaldean berrireki dituzte.
💪🏿 Animo eta indarra @bomberos_na. Baita Antsoaingo, Txantreako, Burlatako eta Atarrabiako bizilagunei ere.
— Imanol Karrera 🔻 (@ImanolKarrera) September 20, 2022
😢 Gogorra da gure #Ezkaba mendia horrela ikustea. pic.twitter.com/VZFXMHol50
Suteak bi foku nagusi izan ditu: bat, mendiko mendebaldean, tontorretik gertu; bestea, ekialdean, Iruñeriko Mankominateko autobusen aparkalekuaren parean. Suhiltzaileen helburua bi fokuok ez bat egitea izan zen, eta bete egin zuten. Arratsaldean, ipar haize indartsua izan zen, 60 km/o-ko boladekin. Gauean haizea apaldu da, eta horrek, zein termometroa 9 gradura arte jaisteak, itzaltze lanak erraztu ditu.
A zer atsekabea! #Ezkaba mendia sutan, duela bi ordu sute txikia zirudiena indar handiz zabaldu da.
— Ana Unanue Serrano (@bizipox) September 20, 2022
Hain pozik atera gara eskolatik bihar Hondarribira goazelako... Ezkaba da gure mendia, gure eskola, gure altxorra 😢
(Whatsappen heldu zaidan bideoan, Txantreako errotonda) pic.twitter.com/0HPcUuQtlO
Sutearen keak azpian hartu zuen atzo Antsoaingo herria. Nolanahi ere, SOS Nafarroaren arabera, suteak ez zuen inguruotako etxebizitzarik arriskuan jarri. Antsoaingo alkate Ander Orozen arabera, "arriskurik ez da izan herritarrentzako, baina oso gogorra da Iruñerriko birika den Ezkaba mendia erretzen ikustea".
