Sutea piztu da Ezkaba mendian eta ipar saihesbidea itxi behar izan dute

Iosu Ganuza Garcia 2022ko ira. 20a, 18:17

Gertakaria dela eta argi mozketak jasaten ari dira Iruñerriko hainbat auzo eta herrietan. Ezkabako tuneletarako sarbidea itxi dute N-121-A errepidetik. 

Baso-sute bat piztu da gaur arratsaldean Ezkaba mendian, Antsoain eta Txantrea artean dagoen zuhaizti batean, ur-biltegiaren ondoan. PA-30 errepidea, iparraldeko saihesbidea, itxi behar izan dute. 

Iruñerriko eremu askotan argi-mozketak gertatzen ari dira, hala nola Burlatan, Txantrean edo Antsoainen. Garrek ke-zutabe trinko bat sortu dute, Iruñeko hainbat auzotatik eta Eskualdeko hainbat herritatik ikus daitekeena. Ipar haizearen eraginez, kea Iruñeko hainbat auzotara iristen ari da, hala nola Donibane ingurura. 

Suhiltzaileak lanean ari dira sua itzaltzeko. Bi brigada helitransportatu, bi helikoptero eta hegazkin bat lurrean kargatuta mobilizatu dituzte. Ingurumen arloko teknikariak eta basozainak ere lanean ari dira.

Villavesak ere ateratzen ari dira kotxetegietatik eta kanpoko zelaian uzten. 

(INFORMAZIOA ZABALDUKO DUGU, adi FM98.3ko goizeko buletinetara, eta gure sare sozialetara)

Beste sute bat San Adrianen, egur-fabrika batean

Guardia Zibila San Adriango egur-fabrika batean izandako sutea ikertzen ari da, eta keak intoxikatutako bi pertsona Calahorrako ospitalera eraman behar izan dituzte.

Herrian, herritarren segurtasunerako zerbitzua eramaten ari den Nafarroako Guardia Zibileko agenteen patruila batek ke handiko zutabe bat ikusi du, NA-134 errepidean dagoen egurraren sektoreko enpresa baten barrutik ateratzen ari zela zirudiena. Agenteak nabera hurbildu dira eta egurra garraiatzeko zinta batean sua piztu dela ikusi dute. 

 

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!