Txantrea Hegoaldeko urbanizazioaren bigarren faseko obretan asteburuan izandako sutea ikertzen ari da Iruñeko Udaltzaingoa. Larunbatetik iganderako gauean, Jesuitinas eta Irabia ikastetxeen arteko lotunean, obrako materiala gordetzeko zonaldeko hiru puntu desberdinetan piztu zen sua aldi berean.
Hortaz, sutea nahita eragindakoa dela ondorioztatu du Udaltzaingoak eta zergatia edo motibazioaren arrazoien bila dabiltza orain. Ez dago zauriutik eta kalte materialaren zenbatekoa oraindik ere ikusteke dago.
Hala ere, hau ez da Oses Construcciones obren enpresa arduradunak salatu duen lehenengo sutea. Izan ere, duela hilabete bat inguru, beste sute bat egon zen obren zonaldean, honakoa ere kalte materialak sortuz. Udal talde guztiek, obren aurkako erasoa gaitzetsi dute eta suhiltzaileen eskuhartze eraginkorra eskertu dute.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!