Tele Taxiko langileak greba mugagabean jarraitzen dute

Euskalerria Irratia 2022ko uzt. 29a, 13:23
Tele Taxiko langileen elkarretaratzea.

Uztailaren 1ean hasi zuten greba Mankomunitatearen erantzukizun ezaren aurrean, enpresaren zuzendaritzak akordioa atzera bota ondoren.

Tele Taxiko langileak uztailaren 1etik greban daramate enpresako zuzendaritzak sinatutako hitzarmena atzera botatzeagatik. Otsailaren 15ean sinatutako akordioan, Tele Taxiko langileen soldata, Nafarroako KPIaren arabera gaurkotuko zela adostu zuten, baina azken orduan, Tele Taxiko zuzendaritzak atzera bota zuen sinatutakoa.  

Enpresaren erantzun ezaren aurrean, Mankomunitatearengana jo zuten apirilean; izan ere, Mankomunitateak eta Nafarroako Gobernuak kudeatzen duten zerbitzu publikoa da. Josu Caballerok Tele Taxiko ordezkaria ELAn, azaldu duenez, enpresako zuzendaritzak akordioa atzera bota zuenean, Mankomunitateari bere erantzukizuna gain har zezala eskatu zioten. 

Oraindik ere ez dute inolako erantzunik jaso eta Tele Taxiko langileek zein ELA sindikatuak zerbitzu publiko hori bermatzea Administrazioaren ardura dela nabarmentzen dute. Momentuz, erantzunaren zain, langileek greban jarraituko dutela aitortu dute. 

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!