Hasi dira dagoeneko Uharteko Itaroa auzoa eta merkatal-gunea lotuko dituen zaldaina eraikitzeko lanak. Hauek udaberrirako, apirilerako amaitzea aurrekusten du Nafarroako Gobernuak.
Oinezkoentzako eta bizikletentzako ibilbidea eraikitzen eskuinaldean hasiko dira, Itaroa auzoko etxebizitzen eta Iruñerria eta Agoitz lotzen dituen NA-150 errepidearekiko paraleloan dagoen pasealekuan. Pasabidearen eta haren sarbideen gainean jarraituko dute lanek, eta 49 metroko luzera izango duen zolatutako bide-zati batean egingo du bat lurrarekin beste ertzean, hau da merkatal-gunearen alboan. Gainera oinezkoentzako bide berri bat sortuko dute merkatalgunea eta zaldaina batzeko asmoz.
Aurreikuspenen arabera, lanak trafikoari eragin gabe egingo dira, pasabidea altxatzeko eta hormigoitzeko eragiketetan izan ezik, horietan trafikoa erabat moztuko baitute gauez.
