Oneka, Nafarroako Pentsionistak Martxan eta Sasoia pentsiodunen elkarteek bat egin dute kritikatzeko joan den ikasturtean Estatuko Gobernuak eta Gizarte Elkarrizketaren Mahaiak sinatutako akordioa, orain berriki Ministroen Kontseiluak onartu duena.
Erretirodunek salatzen duten bezala, onartutako neurriekin egia da pentsioen errebalorizazioa bermatzen dela urteko KPIaren arabera, baina erretiro-adina atzeratzea sustatzen da eta erretiro aurreratua zigortzen da. Honetaz gain hitzarmen horretan pentsioetako genero-arrakalari buruz ez da ezer esaten
Pentsiodunen mugimenduak pentsio publikoak, duinak, bidezkoak eta nahikoak bermatuko dituen pentsio-sistema publikoa astelehenero aldarrikatzen jarraituko dutela iragarri dute. Era berean murrizketek zerbitzu publikoetan eragindako narriadura eta horietan egindako inbertsio eskasa salatu dute ozenki.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
