Larunbatean hasi zen Euskalerria Irratia zuzenekoak berriro eskaintzen, FMko 98.3an eta euskalerriairratia.eus atarian. Ligako Osasunaren lehen partidaren kontaketa eskaini zuten Sadar futbol zelaitik Juan Kruz Lakastak eta Iosu Ganuzak. Bi astez eten behar izan du irratiak emisioa, Donibane auzoko Irrintzi Dorrean egiten ari diren eraberritze obrak direla kausa.
Gaurtik aurrera ekingo dio irratiak udako ohiko programazioa eskaintzeari. Iruñerrian Gaur albistegia goizeko 08:30etatik 09:00etara izanen da, eguerdikoa 13:30etatik 14:00etara; eta Guardasola magazina goizeko 09:00etatik 11:00etara.
