2019an, UGT eta CCOOko atal sindikalak akordio batera iritsi ziren TCC enpresako zuzendaritzarekin, estatutuz kanpoko hitzarmen bat sinatzeko. Demokraziaren aurkako praktikatzat hartu du ELA sindikatuak erabakia, babesik gabe uzten dituelakoan TCCko langileak, banaka atxikitzera behartzen zituelako. ELA sindikatuak hitzarmen horren aurka egin zuen eta Nafarroako Justizia Auzitegi Nagusiak epai bat eman berri du uztailaren 15ean, hitzarmenaren 7., 8., 9., 10. eta 59. artikuluak baliogabetzeko. Auzitegiak ondorioztatu du estatutuz kanpoko akordio batek ezin dituela arautu plantilla osoaren baldintzei eragiten dieten alderdi zatiezinak.
ELA sindikatuak positiboki baloratu du epaiaren edukia, eta UGTren eta CCOOren jarrera gaitzetsi du enpresaren interesetara makurtzeagatik.
Auzitegiak 2019an sinatutako hitzarmenaren bost artikulu baliogabetu ditu, estatutuz kanpoko akordio batek ezin dituelako arautu proiekzio orokorreko lan-baldintzak. ELA sindikatuak abiatu zuen akordioaren aurkako bidea auzitegietan.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!