2-6 adin-tarteko haurrak dituzten familia euskaldunentzako "Parkean euskaraz" aisia proposamena aurkeztu du guraso talde batek Iruñerrian. Txantrea, Arrotxapea, Iturrama-Donibane, Arrosadia, Sarriguren eta Antsoainen jarri nahi dute martxan. "Guraso-haur, guraso-guraso eta haurren arteko harremanen hizkuntza ohiturak euskaratu eta, eskolatik kanpo euskaraz funtzionatuko duen talde bat sortzea da helburua, herriari edo auzoari lotuta”.
Maiatzeko azken bi asteetan eta ekaineko lehenengo astean 3 saio antolatu dira, asteko saio bat. Maiatzaren 9ra arte egonen da zabalik izen emateko aukera, Dindaiaren weborrian.
Taldeak
- ARROSADIA: Maiatzak 18 eta 25 eta Ekainak 1. 17:00-18:00. Ilargi Enea Parkean.
- ITURRAMA-DONIBANE: Maiatzak 18 eta 25 eta Ekainak 1. 17:30-18:30. Asenjo Pintorearen plazan.
- ARROTXAPEA: Maiatzak 20 eta 27 eta Ekainak 3. 18:00-19:00. Maiteminduen parkean. Zokoa aurrean.
- TXANTREA: Maiatzak 19 eta 26 eta Ekainak 2. 17:00-18:00. Maiatzaren Lehena plazan.
- ANTSOAIN: Maiatzak 20 eta 27 eta Ekainak 3. 17:30-18:30. Harrobi ondoko parke-zelaian.
- SARRIGUREN: Maiatzak 17, 24 eta 31. 17:00-18:00. Udaletxe aurreko belardian.