Burlatako Udalak presoen eskubideen aldeko mozioa onartu du PSNren babesarekin

Mozioa EHBilduk eta Ahal Duguk aurkeztu dute, eta idazkian, Espainiako Gobernuari eskatzen zaio azter dezala gaixo dauden presoen egoera edo zigorren hiru laurdenak beteta dituzten presoak aske uzteko, eta sakabanaketarekin amai dezala. Halaber, urtarrilaren 9ko mobilizazioen alde agertu da.

PSNk EH Bilduk eta Ahal Duguk aurkeztutako mozioari emandako babesak mozioa onartzea ahalbidetu du. Idazkiak urtarrilaren 9ko mobilizazioei begira Sarek mahai gainean jarri dituen aldarrikapen nagusiak jasotzen baititu. Gaur egun Navarra Sumak agintzen du Burlatan. .

EH Bilduk eta Ahal Duguk aurkeztutako idatziaren hasieran, "indarrean dagoen salbuespeneko espetxe-politika" atzean uzteko deia egin dute, "hainbeste sufrimendu sortzen ari dena", Euskal Herria "bizikidetzarako eta konponbiderako bidean" dabilela egiaztatu ondoren.

Burlatako udalak Espainiako Gobernuari eskatu dio azter dezala gaixotasun larri eta sendaezinak dituzten preso guztien egoera eta kondenaren herena bete dituztenena ere, "legeria arruntaren arabera aske utz ditzaten".