Azaroaren 2tik aurrera, astelehena, Hiri Garraioko gaueko hamar lineetako zazpi bertan behera utziko ditu Iruñerriko Mankomunitateak. Hiru linea izanen dira indarrean, 00:00ak arte:
- N1 San Ignazio etorbidea – Zizur Nagusia
- N2 Sarasate pasealekua – Barañain
- N7 Sarasate pasealekua – Sanduzelai – Txantrea – Nafarroa Behereko etorbidea).
Gaueko zerbitzua murrizteko erabakia alarma-egoera agindu eta 23:00 eta 06:00 artean dagoen etxeratze-agindua ezarri izanaren ondorioz hartu du Iruñeko Mankomunitateak, bidaiarien kopurua nabarmen gutxitzea ekarri baitu.mZerbitzua ematen jarraituko duten hiru lineek gaueko zerbitzuaren egungo eskaeraren %70 hartzen dute. Haietatik N1 eta N2 lineak ospitaleetatik igarotzen dira, eta N7a da azken asteetan nolabaiteko erabilera izan duena.
Aurreko urtearekiko, aste baliokide bateko bidaiarien kopurua %91 murriztu da. Hartara, 2019ko urriaren 27a eta 30a artean 1.625 bidaia egin ziren gaueko zerbitzuan, eta hil honetako 25a eta 28a artean 145 baino ez dira egin.
