Nafarroako Gobernuak pandemiari aurre egiteko hainbat neurri murriztaile hartu zituen pasa den astean. Besteak beste, hiri garraioaren erabiltzaileak erdira murriztearena. Hau da, billabesetan jende muga erdira jaistea. LAB sindikatuak erabaki horrekin bat datorrela adierazi du baina, era berean, salatu du Iruñerriko Mankomuniatea eta TCC enpresa ez direla inongo neurririk hartzen ari. Bereziki larria iruditzen zaio sindikatuari autobus gidarien bizkar uztea egoeraren ardura osoa.