Koronabirusaren egunerokoa

Joli Pascualena: "Pentsatu beharko dugu zergatik ez garen gai guztiz gelditzeko"

Demode Quartet taldeko abeslaria da Joli Pascualena. Egunotan etxetik ari dira lanean, eta gelditu gabe daudela esan du, "lanean buru-belarri". Gelditu ezin izateak zer pentsatua ematen dio.

Konfinamenduan jendeari koreografiak prestatzeko proposamena egin diote Demode Quartet taldeko kideek; azkenekoa, Mendian gora kantaren euren bertsioarekin, eta gaur sareratuko dituzte jasotako bideoak. Aste honetan beste bideo bat zabalduko dute sareetan, beste proposamen batekin.