Irratiko kazetariek eta teknikariek gutxieneko zerbitzuak adostu dituzte, protesten berri emanez aldarrikapenei ahalik eta zabalpen handiena emateko. Haiena greba aktiboa izanen da beraz.
Urtarrilaren 30ean, grebari buruzko informazioa eskainiko dute soilik.
Irratiari dagokionez, goizeko 8:30etik 10:00etara saio informatibo berezia eginen dute. Tarte horretan, bost kazetari ariko dira Iruñerriko beste horrenbeste puntutan gertatzen denaren berri ematen, eta hainbat eragilerekin elkarrizketak egiten.
13:30ean, ordu erdiko albistegi berezia eginen dute, goizeko manifestazioa amaituko den lekutik, Gazteluko Plazatik hain zuzen ere.
Arratsaldean, ez da irrati programaziorik izanen. Goizez zein arratsaldez, mobilizazioen zuzeneko kontakizuna eginen dute sare sozialen eta webgunearen bidez.
