Bigarren apustu etxe bat irekiko dute Berriozarren aurki. Larunbatean, urtarrilaren 18an, manifestazioa eginen du Berriozarko Apustu Etxeen Aurkako Plataformak negozio hauen kontra. Berriozarko Udalak iragarri du ez duela apustu etxe berririk zabaltzeko baimenik emanen hemendik aurrera.
Zabalduz doa apustu etxeen aurkako borroka Iruñerrian. Azpilagañan atzo egin zuten lehen batzarra, eta ostiralean mobilizazioa eginen dute auzoan irekitzear den areto baten aurka. Urtarrilaren 10ean jakinarazi zuten sare sozialetan Ermitagaña eta Mendebaldean beste plataforma bat sortu dutela.
Txantrean, Sanduzelain, Etxabakoitz, Donibanen, Sarrigurenen eta Uharten ere badira apustu etxeen aurkako taldeak.